Thane Batadli Bilmalyun O Raj Lyrics
थानै बातड़ली बिल्मालयूं ओ राज
घूँघट रा सिरमौर
‘क थानै हिवड़ै मांय बसाल्यूं ओ राज
पिव-पातळ चितचोर |
हरयो-भरयो म्हारो सासरो’स कोई
सावण सो सरसाय जी
चंचल पवन हठीलो साजन
लहर-लहर लहराय
‘क थारी प्रीत-फुआरां नहाल्यूं ओ राज
सांवणिये रा लोर |
थानै बातड़ली बिल्मालयूं ओ राज
घूँघट रा सिरमौर
‘क थानै हिवड़ै मांय बसाल्यूं ओ राज
पिव-पातळ चितचोर |
रात घुलै ज्यूँ कोयां काजळ
भोर घुलै सिन्दूर सी
प्रीत घुलै ज्यूँ केसर चन्नण
क्यों न गरूर
‘क थानै नथली पर बैठाल्युं ओ राज
सांचो मोती पोर |
थानै बातड़ली बिल्मालयूं ओ राज
घूँघट रा सिरमौर
‘क थानै हिवड़ै मांय बसाल्यूं ओ राज
पिव-पातळ चितचोर |
हिवड़ै हेत घणौ लहरावै
ज्यूँ सरवर री छोळ जी
हाथ पकड़ लेज्या सासरिये
कूं-कूं केसर घोळ
‘क ईसर जी उमराव मनाल्यूं ओ राज
धण थारी गणगौर |
थानै बातड़ली बिल्मालयूं ओ राज
घूँघट रा सिरमौर
‘क थानै हिवड़ै मांय बसाल्यूं ओ राज
पिव-पातळ चितचोर |
